Euskal Herriko hiru antzerki talde izango dira Gijongo (Espainia) Feten jaialdian. Herenegun hasi zen jaialdia, eta Marie de Jongh taldeak Kibubu ikuskizuna eskainiko du gaur, keinuekin eta Xebas eta Coco pailazoen parte hartzearekin egindakoa. Bihar, Malas Compañias taldeak Orsai, fuera de juego también se juega antzezlana emango du. Horrekin batera, Bihar taldeak Ulisesen abenturak antzeztu zituen atzo Odisea lanarekin.
Marie de Jongh taldeak bigarren aldiz parte hartuko du Gijongo haurrentzako antzerki jaialdian. 2012an Ikuskizun Onenaren saria irabazi zuen Querida hija antzezlanarekin. Aurten, Argentina, Belgika, Frantzia, Bulgaria, Herbehereak, Italia eta Espainiatik etorritako beste 70 antzerki talderekin lehiatuko da.
Euskal Herriko hiru talde izango dira Gijongo Feten antzerki jaialdian
Marie de Jongh, Bihar eta Malas Compañias taldeek umeentzako ikuskizunak eskainiko dituzte gaur eta bihar
Iruzkinak
Ez dago iruzkinik
Ordenatu
