EUSKO IKASKUNTZA SARIA, BAYORENTZAT

Maria Bayo (Fitero, 1958) sopranoak jaso du aurtengo Eusko Ikaskuntza-Euskadiko Kutxaren Humanitate, Kultura, Arte eta Gizarte Zientzia Saria. Bayo munduko antzoki garrantzitsuenetan aritu da opera eta zarzuela kantatzen, esate baterako, Milango La Scala, Berlingo Staatsoper, Londresko Covent Garden eta New Yorkeko Metropolitan aretoetan. Euskal Herriko musikagileen lanak ere grabatu ditu, Jesus Aranbarri eta Jesus Guridirenak batez ere.