Batzar orokorra egin du Euskal Idazleen Elkarteak (EIE) Bilbon, eta Garbiñe Ubeda idazle eta kazetaria hautatu dute elkarteko lehendakari, aho batez. Jasone Osororen lekukoa hartuta, datozen lau urteotan beteko du ardura hori Ubedak.
Harekin batera, Zuzendaritza Batzordeko kide izendatu dituzte Nora Arbelbide, Ana Galarraga eta Peru Iparragirre.
Batzar orokorraren aurretik, ezohiko batzar berezia ere egin du elkarteak, estatutuetan bazkide gazteen taldea sortu eta bidea emateko, besteak beste.
