Aizpea Goenagak idatzi eta zuzenduko duen Sukaldekontuak film luzearen errodajea hasi dute gaur. Errenteriako eta Donostiako hainbat tokitan errodatuko da filma, bost astez. Goenagak lehen film luzea du -komedia, hain zuzen ere-, eta haren helburua ikusleei barre eginaraztea da. Zuzendaria "pozik" agertu da eguraldia lagun duten errodajearen hasiera egun honetan.
Sukaldekontuak filmak sukaldaritza-eskola batean gertatutakoak kontatuko ditu, modu entretenigarri batean. Protagonista Isidoro Fernandez aktorea izango da eta berarekin batera, Barbara Goenaga, Ramon Agirre, Oscar Jaenada, Mikel Losada eta Marivi Bilbao agertuko dira.
Sukaldekontuak filmaren webgunean errodajearen nondik norakoak jarrai daitezke.
Zinema
Goenagaren 'Sukaldekontuak' lehen filmaren errodajea hasi da
Donostian eta Errenterian errodatuko dute, bost astetan, Goenagaren lehen film luzea. Sukaldaritza-eskola batean jazotzen direnak izango ditu oinarri komedia honek.
Iruzkinak
Ez dago iruzkinik
Ordenatu
