Grazenea eta Ais saritu dituzte Coruñan, Gas Natural Fenosaren erakusketan

ARTEA. Iñaki Grazenea eta Jose Ramon Ais artistei bigarren eta hirugarren sariak eman dizkiete, hurrenez hurren, Gas Natural Fenosak Coruñan (Galizia) antolatutako erakusketan. Lois Patiño galiziarra izan da irabazlea. Grazeneak10.000 euro jasoko ditu, eta Aisek, 7.000. Coruñako Arte Garaikidearen Museoan ikusi ahal izango dira irabazleen eta parte hartzaileetako batzuen 50 artelan, urriaren 26ra arte.