Berrizko (Bizkaia) hainbat eragile eta herritarrek, 160 lagun inguruk, grabatu dituzte Hator neska-mutil etxera proiektuak proposatutako euskal kanta tradizionalen moldaketak. Proiektuaren sustatzaileek azaldu dutenez, euskal kantutegiko zenbait abesti kantatzerakoan ohartu ziren hitzekin ez zirela eroso sentitzen. Beraz, jatorrizkoak moldatzea erabaki zuten, "egungo testuingurura" moldatzeko.
Berrizko Kantu Lagun taldeko kideak herriko hainbat sortzailerekin jarri ziren harremanetan proiektua aurkeztu zioten udalari. Aldeko erantzuna jaso zuten sortzaileen nahi udalarengandik eta diru laguntza bat jaso dute ideia lantzeko.
Azaldu dutenez, helburua ez da jatorrizko bertsioak baztertzea, "aukera desberdin posible batzuekin proba egitea baizik; gauzak beste era batean ere egin daitezkeela esatea".
Hona egin dituzten moldaketa batzuk, adibide modura.
Haika mutil
Haika gazte, jeiki hadi /
argia den mira hadi.
Aitorren hizkuntz zaharra
Aitorren hizkuntz zaharra /
nahi dugu zabaldu /
munduaren aurrean /
ausarki azaldu.
Lepoan hartu
Gazteak eskuak elkar gurutza /
ekin ta bultza denok batera /
bidean laguna erortzen bada /
lepoan hartu ta segi aurrera.
