ZINEMA. Martxoaren 27tik apirilaren 1era bitarte egingo dute Ikuspuntu Nafarroako Zinema Dokumentaleko Nazioarteko Jaialdiaren XVII. aldia, Iruñean, eta Sail Ofizialeko lehian izango diren filmen berri eman dute. Besteak beste, Ignacio Aguero, Miryam Charles, Alassane Diago eta Sharon Lockhart zinemagile ezagunek parte hartuko dute, baita Peru Galbete, Gabor Varga eta Malena Zambrani hasiberriek ere.
Denera, 800 film inguru aurkeztu dituzte, 60 bat herrialdetakoak. Hautatutako hemezortzi filmak hamalau herrialdetan eginak dira; horietatik bi, Euskal Herrian: Peru Galbeteren Bide bazterrean hi eta ni kantari; eta Maria Elorzaren eta Iñigo Salaberriaren Al borde del agua (Uraren ertzean).
Lan horietatik sei lehen aldiz erakutsiko dituzte jendaurrean: Bide bazterrean hi eta ni kantari; Al borde del agua; Teléfono, Navidad; Apocalipsis 20 21 22; Tembiapo Pyharegua; eta Boulevards de la Senne. Dena dela, beste guztiak ere lehen aldiz pantailaratuko dituzte Euskal Herrian.
Hamazortzi film emango dituzte Ikuspuntuko Sail Ofizialean
Hamalau herrialdetako hamar film luzerekin eta zortzi laburrekin osatu dituzte lehiaketako hamar programak.
Iruzkinak
Ez dago iruzkinik
Ordenatu
