Harkaitz Millan izango da Gipuzkoako Kultura diputatua, Denis Itxasoren ordez

ERAKUNDEAK. Harkaitz Millan izango da Gipuzkoako Kultura diputatu berria, Denis Itxasoren ordez —Espainiako Gobernuak EAEn duen ordezkaria izango da Itxaso—. Donostian jaioa da Millan, Historian lizentziatua. 2003tik 2007ra, EAko zinegotzi izan zen Donostiako Udalean; gerora, PSE-EErekin aurkeztu zen. Basquetourreko zuzendaria da egun, eta Gipuzkoako PSE-EEko Kultura eta Euskara idazkaria.