HEAVENLY
'Highway to Heavenly'
Diskoetxea: Skep Wax.
Taldea hiru hamarkadaz lozorroan izan ondoren, Amelia Fletcherrek (ahotsa, gitarra) eta Rob Purseyk (baxua) Heavenly esnaraztea erabaki dute, Peter Momtchilof (gitarra) eta Cathy Rogers (teklatuak, ahotsak) jatorrizko taldekideak proiektura batuta. Ameliaren anaia Matthew da falta den bakarra, baina, hain zuzen, haren heriotzak eragin zuen taldearen desegitea. Highway to Heavenly honetan ez da falta taldeak 90eko hamarkadan landu zuen punk izpirituko popa (Excuse Me), baina pasarte ilunagoak eta psikodelikoagoak ere azaltzen dira tarteka (Good Times). Nolanahi ere, pop disko dirdiratsuarekin itzuli da taldea.
