Huhezinema jaialdira filmak aurkezteko epea ireki dute, otsailaren 16ra arte

ZINEMA. Huhezinema euskal film laburren jaialdiak hamalaugarren aldia jarri du abian, Mondragon Unibertsitateko Humanitate eta Hezkuntza Zientzien Fakultatearen eskutik. Otsailaren 16ra arte egongo da zabalik edozein gai zein generotako film laburrak bidaltzeko epea. Hamar finalista hautatuko dituzte, eta bakoitzak 200 euroko saria jasoko du. Aurten, lehen aldiz, Komedia saria ere banatuko dute.