Iker Karrerarentzat Gipuzkoako Dantza Profesionalen saria

DANTZA. Iker Karrera koreografo hondarribiarrak Gipuzkoako Dantza Profesionalen Elkartearen XVIII. saria jasoko du maiatzaren 30ean, Donostiako udaletxean. Karrerak sortutako Cha cha one emanaldia izango da bezperan, hilaren 29an, Viktoria Eugenia antzokian, Belen Lerroux, Raymond Naval, Pablo Costas eta Cesar Louzan dantzariekin. Dantzaren Nazioarteko Eguneko egitarau horretan, hamar konpainiak eta 40 dantzari inguruk parte hartuko dute. Haien artean izango dira, besteak beste, Baionako Illicite, Miarritzeko Malandain Balleta, Madrileko Nexus Company, Bartzelonako Korpo Dance Project eta Donostiako Aukeran taldea.