Pentsaezina da Euskal Herrian Berri Txarrak-en kontzertu bat antolatu eta ikus-entzule bakarra joatea aretora. Jendetza mugitzen dute hemen, eta berehala amaitzen dira sarrera guztiak.
Nazioartean ere sona handia duten arren, denean ez da berdin gertatzen. Atzo, esate baterako, Naoneden (Bretainia) eman zuten kontzertua, eta ikus-entzule bakarra izan zuten. Taldeak berak kontatu du bere Facebook orrian. "Batzuetan gertatzen da. Ez da ezer gertatzen. Gaur Parisen dena emango dugu, atzo bezalaxe. Zale horrek dena merezi duelako. Merci".
