Iñaki Grazenea artistak jaso du Errioxako X. Parlamentu Saria

ARTEA. XIX. mendeko espetxeen planoak erreproduzitzen dituen Moabit I obrarekin irabazi du Iñaki Grazenea artistak Errioxako (Espainia) X. Parlamentu Saria. Pintura eta serigrafia nahastu ditu obra horretan Grazeneak. Lan horren bitartez, espetxeek sinbolizatzen duten «kontrol sistema» adierazi nahi duela azaldu zuen atzo saria jasotzean. Azken urteetan ari da gai hori etengabe lantzen.