«Pandemiaren azken hilabeteetako bilakaera arretaz jarraitu dugu, eta bertaratutako pertsona, artista eta jaialdiko lankide guztien segurtasuna lehenesteko asmoz, urte dugu jarrera arduratsuena aurtengo jaialdia 2022ko martxoaren 18 eta 19ra atzeratzea dela». Iruña Rock jaialdiaren ohar baten bitartez eman dute gaur goizean hartutako erabakiaren berri.
Antolatzaileen iritziz, «oraindik ez dago [jaialdia egiteko] osasun eta mugikortasun baldintza egokirik», eta, horretaz gain, Iruña Rocken tamaina eta eskakizuneko jaialdi bat antolatu ahal izateko ez dago gobernu araudirik.
Datorren asteartean, hilaren 31n, jaialdian parte hartuko duten artista batzuk iragarriko dituzte antolatzaileek.
