Eusko Jaurlaritzak Kepa Junkera musikariari hiru diskoko proiektu bat aurrera eramateko 702.000 euroko diru laguntza ematea gogor kritikatu du Euprel euskal musika eragileen elkarteak. Besteak beste, Junkerar diru kopuru hori ohiko laguntza deialdietatik kanpo emateak gainerako musikariak diskriminatu egiten dituela iritzi dio: "Jaurlaritzak 2008ko ekainean egindako deialdian beren proiektuak aurekzten dituzten artistak eta enpresak diskriminatu egiten ditu".
Gainera, diru laguntza horri buruz galdetu dutenean Jaurlaritzak oso informazio gutxi eman diela agertu du Euprelek, eta bere kultur politika musikaren industriari bizkar emanda egitea egotzi diote.
"Laguntza zuzenean ematea onartezina da, gainerako artistak bigarren, hirugarren edo bosgarren mailan jartzen baititu, diru laguntza guztiek izen beharko luketen bermerik gabeko irizpide subjektiboen arabera", nabarmendu dute.
Kultur politika aldatzeko eskatu diote Jaurlaritzari, "beste eszenatoki batera eramango gaituen enpresa, erakunde, azpiegitura eta komunikazio ehuna sortzeko".
Musika
Jaurlaritzak Kepa Junkerari emandako diru laguntzak beste musikariak diskriminatu egiten ditu, eragileen arabera
Euprel euskal musika eragileen elkarteak musikaren industria sendotzeko baliagarri izango den kultur politika egiteko eskatu dio Jaurlaritzari.
Iruzkinak
Ez dago iruzkinik
Ordenatu
