Joan Baez folk kantariak kontzertua emango du Bilbon, martxoan

MUSIKA. Folkaren izar Joan Baezek An Evening with Joan Baez kontzertu itzulia zabaldu du, eta Bilbora joango da. Martxoaren 17an Euskalduna jauregian izango da. Baezek Woodstock jaialdian parte hartu zuen, eta 1963an eskubide zibilen aldeko martxan izan zen. 2007an, Grammy sari bat eman zioten, bere ibilbidea omentzeko. Azken diskoa 2009an atera zuen: Day After Tomorrow.