John Barry hil da, film ezagun askoren musikagilea

Haren izena ez da ezaguna, baina haren musika bai. John Barry musikagilea hil da, 77 urte zituela, BBC telebista kateak jakinarazi duenez. Film askotako musika egin zuen, besteak beste, Out of Africa, Midnight Cowboy, Dancing with Wolves, Born free eta James Bonden bi filmetakoa, Goldfinger eta You Only Live Twice.

York-en jaio zen (Ingalaterra iparraldean) 1933. urtean. Hastapenean, The John Barry Seven taldearen liderra izan zen, eta orduan egin zen ezagun. Gero, ordea, zinemarako jauzia egin zuen, eta bost Oscar sari irabazi zituen. Haize eta metal instrumentuak zituen bere musikaren ezaugarri. 2005ean Erresuma Batuko Bafta sarien aipamen berezia eman zioten.