Julio Sotok irabazi du Tolosako saioa (Gipuzkoa), Euskal Herriko Bertsolari Txapelketako lehenengo faseko bosgarrena, 683 punturekin. Sei kantukide aritu dira bertsotan, eta epaimahaiak honelaxe sailkatu ditu gainerakoak: Amaia Iturriotz (651 puntu), Eli Pagola (639 puntu), Aitor Servier (638 puntu), Unai Mendiburu (633 puntu), eta Oihana Bartra (632,5 puntu). Soto bigarren fasean da honezkero; Miarritzen (Lapurdi) kantatuko du, azaroaren 14an.
42 bertsolari jardungo dira bertsotan lehendabiziko fasean, eta gaurko saioarekin, hamabi bertsolari bertzerik ez dira geratzen kantatzeko. Heldu den asteko larunbatean eta igandean jokatuko dira azken bi saioak, Gotaine-Iribarnen (Zuberoa) eta Agurainen (Araba).
SAILKAPEN OROKORRA
Miren Artetxe: 709 puntu.
Maddi Ane Txoperena: 691 puntu.
Saioa Alkaiza: 683 puntu.
Julio Soto: 683 puntu.
Ane Labaka: 681 puntu.
Aner Peritz: 679 puntu.
Maddalen Arzallus: 677,5 puntu.
Aitor Bizkarra: 676 puntu.
Oihana Iguaran: 672,5 puntu.
Oier Etxeberria: 672,5 puntu.
Xabat Galletebeitia: 672 puntu.
Eneko Araiztegi: 659,5 puntu.
Maider Arregi: 659 puntu.
Amaia Iturriotz: 651 puntu.
Txaber Altube: 648,5 puntu.
Imanol Uria: 647,5 puntu.
Eneritz Artetxe: 646 puntu.
