Kattalin Barcena. (Larrabetzu, Bizkaia, 1997)

Kattalin Barcenak 2020. urtean sortu zuen J Martina proiektua, Javi Jorajuria ikaskidearekin eta Ane Barcena ahizparekin. Azken hiru urteetan tantaka hainbat abesti argitaratu eta gero, aurten iritsi da estudioko lehen lana: Jaio naiz, baina, sei abestirekin osatutako diskoa. Arte Ederrak ikasi zituen EHUn, eta diziplinartekotasuna agerikoa da taldearen sorkuntzan. Mugimendu Sozialistako militantea ere bada, eta argi dio konpromiso politikotik abiatuta egiten duela musika, horrek buruhauste asko ematen dituen arren: «Hori da taldearen potentzia eta motorra». J Martinarena da azken Gazte Topagune Sozialistako abestia ere.