Kimuak-ek jaso du Zinemira saria

Kimuak Euskal Herriko film laburrak sustatzeko egitasmoak jaso zuen aurtengo Zinemira saria, herenegun egindako Euskal Zinemaren Galan. Belako musika taldeak ere parte hartu zuen, eta aurtengo Irizar sarirako hautagaiak banaka aurkeztu zituzten. Hitz egiten lehenak Maixabel, Bolante baten historia eta Paperezko hegoak filmetan ardatz diren Maixabel Lasa, Eneko Etxeberria eta Martxelo Otamendi BERRIAko zuzendaria izan ziren. Halako produkzioek «ahanzturaren kontra» egiten duten lana nabarmendu zuten hirurek.