andy irvine
'Devoted'. Diskoetxea: The Last Music Company.
Andy Irvine bada norbait herri musikaren munduan. Irlandarra, 55 urteko ibilbidean, besteak beste 1960ko hamarkadako irlandar musikaren loraldiaren protagonistetako bat izan zen; bertako kantari nagusietako batzuekin aritu izan da: Christy Moore, Donal Lunny, Paul Brady... eta, gainera, ezinbesteko bilakatu diren taldeetako partaide izan da: Planxty, Patrick Street... Harribitxiz beteta dago haren diskogintza, eta nola ez bada, betidanik Woody Guthrieri aitortutako miresmena, azkenean, disko oso bihurtu. Horixe da disko hau, Guthrieren kantu hautatuen bertsioekin osatutako debozio musikal ariketa bat. Bikaina.
