Arangurenen antzerkigintzari saria

Hunkituta jaso zuen, atzo, Ignacio Aranguren antzerkigileak 2016ko Kulturako Viana Printzea saria, Erriberrin (Nafarroa). Antzerkia «balioen transmisiorako tresna gisa» erabiltzeagatik saritu dute. Besteak beste, 35 urtez, Iruñeko Navarro Villoslada institutuko antzerki tailerraz arduratu da. «Hezkuntzak eta kulturak elkar hobeto ulertzea dute helburu, guk pertsona gisa eta baita gizarte gisa ere», aldarrikatu du Arangurenek. Nafarroako Gobernuak hala erabakita, sari banaketan lehen aldiz ez dira izan Espainiako errege-erreginak.