Davide Salvado

Bizitza erdia taula gainean daraman arren, hau kantari galegoaren bakarkako hirugarrena baino ez da, artean, jakina, talde eta elkarlan zerrenda luze bat pilatu duelarik. Edozein modura, Galiziako gaur egungo kantaririk interesgarrienetako bat bilakatu da Maringoa, eta horren seinale da Permita Deus hau, non galiziar herri musikaz gain badiren penintsulako beste musiken oihartzunak ere: fadoa adibidez, eta are urrutiago joanda, baita Brasilgo musiken aztarnak. Egia esateko, disko oso entzungarria da, zeinetan tradizioa eta hamaika eragin garaikide uztartzen diren modu organikoan, inposturarik gabe, alegia, eta ez da batere erraza, ez horixe.