Kulturgintza larrialdirako arnasa eske

SOS Kultura plataformak deituta, hamarnaka lagun batu ziren atzo Bilbon (irudian), Donostian, Gasteizen eta Iruñean, koronabirusaren ondorioz kulturgintzak duen estualdia salatzeko. Bilbon, esaterako, Arriaga antzokiaren aurrean egin zuten elkarretaratzea, eta Itziar Ituño aktoreak irakurri zuen manifestua. Besteak beste, sektorearen garrantzia nabarmendu, eta hari eusteko neurriak bultzatzeko eskatu zuten deitzaileek. Gaur Kupla plataformak auto karabana egingo du Gasteizen, kulturgintzaren alde.