Lizarribar eta euskalgintza gogoan

Joxan Lizarribar BERRIA Taldeko lehendakari zenaz gain, haren gisako euskaltzale guztiak eta oro har euskalgintza omendu zituzten atzo arratsean Kirmen Uribek, Bingen Mendizabalek, Mikel Urdangarinek eta Rafa Ruedak, Andoaingo Bastero kulturgunean, Jainko txiki eta jostalari hura ikuskizunaren emanaldiarekin. Ikuskizunaren azken emanaldia atzokoa izatea zuten aurreikusia, baina, beste dei batzuk jaso ostean, haiei ere baiezkoa ematea erabaki dute.