Maider Arregi oñatiarrak irabazi du bertsolari gazteen Hernandorena saria

BERTSOLARITZA.Sei bertsolari lehiatu ziren larunbatean Zizpa gaztetxean Hernandorena saria nork irabaziko; lau Gipuzkoakoak, Aratz Igartzabal, Maider Arregi, Maialen Akizu eta Jon Gurrutxaga; eta bi Lapurdikoak, Aitor Servier eta Nahia Sasco. Azkenean, Arregi nagusitu zen, Gurrutxagarekin egin buruz burukoan. Hats berriturik iritsi da aurten saria, eta pozik utzi ditu Bertsularien Lagunak elkartekoak.