Malagonen ipunei zilarrezko aitortza

Gipuzkoako Liburu Denden Elkarteak Ana Malagoni eta Delphine de Vigani eman dizkie aurtengo Zilarrezko Euskadi sariak, Ez dakit zertaz ari zaren (Elkar) ipuin bildumagatik eta Las gratitudes (Anagrama) eleberriarengatik, hurrenez hurren. Donostiako Zubieta liburu dendan egin zuten atzo sari-emate ekitaldia, eta kategoria berri bateko sariduna ere jakinarazi zuten bertan: komiki eta album ilustratuen adarrean, Teresa Valeroren Contrapaso. Los hijos de los otros (Norma Editorial) saritu dute, egilearen bakarkako lehen lana.