Marie de Jongh hizketan hasi da

Orain arte mutu jardun da Marie de Jongh konpainia: gehienez ere, maskarak eta keinu hizkuntza baliatu ditu bere lanetan, baina oraingoan hitza ere baliatu dute Jokin Oregi eta Ana Meabe sortzaileek Ikimilikiliklik pieza osatzeko. Konpainiak azaldu du sorginik gabeko sorgin istorio bat dela, 7 urtetik gorako gaztetxoentzat zein helduentzat, eta beldurraren inguruko gogoeta bat proposatzen duela. Asteartean eta asteazkenean estreinatuko dute Bilboko Arriaga antzokian, eta beste 25 emanaldi dituzte jadanik itxita.