Mila film labur aurkeztu dituzte Gasteizko Korterraza jaialdian

ZINEMA. Mila pelikula inguru daude izena emanda Gasteizko Korterraza film laburren jaialdian parte hartzeko, eta horietatik 50 inguru proiektatuko dira Iradier Arenan, uztailaren 7tik 11ra bitartean. Musikari dagokionez, Willis Drummond, A Contra Blues eta Freedonia taldeek parte hartuko dutela jakinarazi dute. Datorren astean jarriko dituzte salgai kontzertuetarako abonamenduak.