Olatz Osa. Elkar argitaletxeko zuzendaria

Ogibideak berak egiten du Olatz Osa (Oñati, Gipuzkoa, 1970) euskal kulturaren transmisore. Pedagogian lizentziatua da, baina luzaroan dabil argitalpen lanetan. Elkar argitaletxeko zuzendaria eta Euskal Editoreen Elkarteko presidenteordea da egun, Jakin Taldeko kidea izateaz gain. Aurretik, gainera, EKB Euskal Kulturaren Batzarrean aritu zen lanean, eta Donostiako Ilazki Euskaltegian ere jardun zuen, urtebetez.