Picassoren 'Gernika' birsortuko dute bihar, herritarren gorputzak margotuz

ANTZERKIA. Hilaren 26an, 80 urte beteko dira hegazkin faxistek Gernika suntsitu zutela, eta ordukoak gogora ekartzeko hainbat ekitaldi antolatu dituzte herri eragileek Gernikan. Bihar, Pablo Picasso margolariaren Gernika koadroa irudikatuko dute, herritarren gorputzak margotuz. Aitor Arana margolari gernikarrak gidatuko du ekitaldia, eta 12:30ean agerraldia egingo dute, Elai Alai aretoan.