Ramon Carrerak bonbardaketaz egindako lanak ikusgai daude Gernikan
Artistak 1970etik 2008ra bitarte egindako bost eskultura, hamar 'collage' eta argazki bat daude erakusketan
Ramon Carrera artistak (Madril, 1935) Gernikako bonbardaketaren inguruan duen ikuspegi pertsonala ezagutzeko aukera emango du ekainaren 19ra bitarte Gernikako Euskal Herria Museoak. Ramón Carreraren Gernika erakusketak hamasei artelan batzen ditu —bost eskultura, hamar collage eta argazki bat—, 1970 eta 2008 bitarteaneginak. Madrilen jaioa izanagatik, zortzi urte zituenetik Euskal Herrian bizi da Carrera. Azken lau urteetan bonbardaketari buruzko erakusketak eratu ditu museoak, Jorge Oteiza, Nestor Basterretxea eta Remigio Mendibururenak, besteak beste.
Iruzkinak
Ez dago iruzkinik
Ordenatu
