Santos Bregañaren eskulturak ikusgai jarri dituzte Donostiako Ekain galerian

ARTEA. Artista gonbidatuaren erakusketa proposamen berria ikusgai jarri zuen atzo Donostiako Ekain Arte Lanak galeriak. Santos Bregaña sortzaileak Autour du Phare eskultura bilduma eraman du erakustokira. Iruñean jaio zen, 1965. urtean, eta, arkitektura ikasketak egin ondotik, Laia Atelier sortu zuen; ordutik, diseinuaren munduan jarduten du batik bat. Bregañaren lanak uztailaren 8ra arte egongo dira ikusgai.