Saria jaso du Xake konpainiak

Xake Produkzioak konpainiak irabazi du aurten Donostia Antzerki saria, Fadoak entzuten zituen gizona antzezlanarekin, eta urteroko ohiturari jarraituta, Antzerkiaren Nazioarteko Egunarekin batera jaso zuten taldeko kideek saria, atzo, Viktoria Eugenia antzokian. Ondoren, antzezlana oholtzaratu zuten. 2020an Donostian taularatu ziren euskarazko obren artean aukeratu zuen epaimahai batek Xake Produkzioak-ena. Juan Luis Goenagaren artelan batez gain, 12.000 euroko saria jaso du konpainiak.