Sarituak, azkenean, taula gainean

Atx Teatroaren 7ak bat antzezlanak irabazi du aurten Donostia antzerki saria, aurreko urtean hirian euskaraz estreinatutako obra onenari ematen zaiona. Ohi bezala, Antzerkiaren Nazioarteko Egunean zen konpainia lana taularatzekoa, iragan martxoaren 27an, saria emateko ekitaldiaren ondotik, Donostiako Viktoria Eugenia antzokian. Baina, pandemiaren eraginez, bertan behera geratu zen ekitaldia. Azkenean, Atx Teatroak atzo izan zuen aukera obra jendaurrean erakusteko, antzoki horretan, baita garaikurra jasotzeko ere.