Sastre eta Forest gogora ekarriko dituzte bihar

Hondarribiko Udaleko Kultura Departamenduak eta Alfonso Sastre kultur elkarteak antolatuta, Alfonso Sastre eta Eva Forest omenduko dituzte bihar Hondarribiko Itsas-Etxean, Eva Forest hil zela zazpi urte bete direla eta Sastrek 88 urte bete berri dituela gogoratuz. Carlo Frabetti eta Fito Rodriguez idazleek aurkeztuta, ekitaldia 19:00etan hasiko da, txalaparta emanaldi batekin. Sastre eta Foresti buruzko diaporama batzuk ikusteko aukera izango da, eta Nikolas Aldaik, Koldo Ortegak eta Fito Rodriguezek Sastreren hainbat testu irakurriko dituzte, La sangre y la ceniza eta La taberna fantástica obretako pasarteak, besteak beste. Joan den astelehenean, maiatzaren 12an, antzeko omenaldi bat egin zieten Sastre eta Foresti Madrilgo ikastetxe batean.