'Soinujolearen semea' euskaraz antzeztuko dute Madrilen

Bernardo Atxagaren Soinujolearen semea (Pamiela) eleberriaren antzerkirako egokitzapena estreinatuko du Ttanttaka Teatrok urriaren 18, 19, 20 eta 21ean, Bilbon, Arriaga antzokian. Donostian eta Gasteizen ere antzeztuko dute, besteak beste, eta hurrengo urteko martxoan, berriz, Madrilen euskaraz bi emanaldi egingo dituzte. Bernues izango da zuzendaria. «Nolabaiteko zailtasun eszenikoa duen produkzio bat aurrera eramatea plazera da; garaiotan horri aktore askorekin aurre egitea, berriz, gauza handia». Gainera, maite du eleberria: «Perla eta pertsonaia ugari ditu. 1950etik gaurdaino izan garenaren DNA daukala esango nuke».