Sormen saio batekin ekin dio Marabilli festibalak asteburuari

Aitzol Aramaio zinemagilearen (1971-2011) omenez antolatutako Marabilli festibalak sormenari lekua eginez ekin zion ostegun iluntzean lau egun iraungo duen jaialdiari. Kalejira egin ondoren, Kofradia Zaharra bete-beteta zegoela —jende askok kanpotik jarraitu zuen ekitaldia pantaila bidez—, Maialen Lujanbiok, Alex Angulok, Felix Beristainek, Mikel Urmenetak eta Xabier Iriondok —azken biek bideo bidez— hamarna minutuko sormen saioak eskaini zituzten. Ondoren, Kafe Antzokia bete egin zen Marlango eta Lurra taldeen kontzerturako.