Soziedad Alkoholikaren Madrilgo kontzertua bertan behera utzi dute

Soziedad Alkoholikak Madrilgo Rockitchen aretoan jo behar zuen bihar, baina kontzertuaren sustatzaileek bertan behera utzi dute emanaldia «jasotako mehatxu eta presio polizialengatik». Aurretik beste bi aretotan saiatu dira kontzertua antolatzen, baina haietan ere ezin izan dute aurrera egin. «Jakingo duzuenez, legezko bideak erabiliz isilarazi nahi izan gaituzte, baina beren legeek beti arrazoia eman digute, eta askatasunez adierazteko zein edozein lekutan jotzeko eskubidea ematen digute», adierazi du taldeak ohar bidez.

Hau ez da S.A. taldeari Espainian jotzea debekatu dioten aurreneko aldia.