THE MONOCHROME SET
'Lotus Bridge'
Diskoetxea: Tapete.
Laurogeiko hamarkada hasierako post-punk eta new wave leherketarekin lotzen dugu The Monochrome Set, urte haietan kaleratutako disko ezinbestekoek —Strange Boutique (1980), Eligible Bachelors (1982)— egin baitzuten ezagun Londresko taldea. Bid kantari eta konpositoreak gidatzen duen bandak agur esan zuen 1995ean, baina 2012an itzuli, eta disko estimagarri ugari argitaratu ditu bigarren fase honetan. Lotus Bridge da horietako azkena, eta esan genezake bere gailurretako bat dela. Pop dotorea, psikodelia ukituak ere badituena, eta beti iradokitzailea. Horren adibide dira, besteak beste, Jenny Greenlocks, Athanatoi eta Lotus Bridge bera.
