Ur Apalategiren Fikzioaren izterrak (Susa) izan dute iazko libururik gogokoena 111 Akademiako kideek. Hala, Apalategik irabazi du Beterriko Liburua saria.Maiatzaren 5ean egingo dute aipamena ezagutzera emateko ekitaldia, Asteasuko udaletxean, eta saritutako obraren larruz koadernaturiko ale bat emango diote. 1997an ere Apalategirentzat izan zen aipamena, Gauak eta hiriak eleberriagatik. Hala, Anjel Lertxundi eta bera dira saria bitan irabazi duten idazle bakarrak.
Urtarriletik, hiru bozketa egin dituzte sariduna hautatzeko. 170 akademiakideei iazko libururik gustukoena aukeratzeko eskatu zitzaien lehen txandan, eta botoen herenak lortu zituen obrarik ez zenez, ohiko prozedurari jarraitu zioten. Hirugarren txandan, Fikzioaren izterrak eta Arantxa Urretabizkaiaren 3 Mariak izan ziren finalistak, eta hamasei botoren aldearekin gailendu zen Apalategiren lana.
Ur Apalategik irabazi du Beterriko Liburua saria, bigarren aldiz
'Fikzioaren izterrak' ipuin liburua izan dute iazko obra gogokoena 111 Akademiako kideek
Iruzkinak
Ez dago iruzkinik
Ordenatu
