Urruzunotarrak Elgoibarren batu dira

Urruzunotarrak Gehituz literatura egitasmoko 20 irabazleak Elgoibarren (Gipuzkoa) bildu ziren atzo, hilaren 4ra arte herri horretako Aubixa baserrian egonaldia egiteko. Eusko Jaurlaritzako Hezkuntza Berriztatzeko Zuzendaritzak harrera egin zien hala saridunei nola haien senitartekoei, Elgoibarko kultur etxean. Bigarren Hezkuntzako 118 ikaslek hartu dute parte aurten gazteen literaturzaletasuna sustatzeko eta saritzeko antolatutako literatura egitasmo horretan.