Veneziako Musika Biurtekoaren aitortza, De Pablori

MUSIKA. Ostiralean inauguratu zuten Veneziako Musika Biurtekoa, Luis de Pablo (Bilbo, 1930) musikagileari Urrezko Lehoia emanez, eta Padua eta Venetoko orkestrak haren Biola eta orkestrarako kontzertua eta Gitarra eta orkestrarako fantasiak interpretatuz. De Pabloren bizitza osoko ibilbidea aitortzeko emandako saria da. «Artista goren» izendatu dute jaialdiaren antolatzaileek: «Hizkuntza garaikideak katalizatzen asmatu du».