Zinemaldia, IBAIA eta FIPAren arteko elkarlana indartu dute

Donostiako Zinemaldia, Ikus-entzunezko saioen Nazioarteko Jaialdia (FIPA) eta Ikus-entzunezkoen Euskal Ekoizle Burujabeen Elkartearen (IBAIA) arteko hitzarmena indartzeko hitzarmena izenpetu zuten atzo, FIPA jaialdiaren karietara, Miarritzen. Ez da berria lankidetza, baina, izenpedura berri horri esker, koprodukzioei finantzaketak aurkitzeko aukera areagotzeko bideak erraztea da asmoa. Donostiako Zinemaldiko Lau Haizetara foruak bere Miarritzeko hitzordua dauka beraz, orain, FIPAren barruko FIPA Industry egitasmoan. FIPA bera, atzo hasi zen, eta igandera arte iraunen du. Besteak beste, Arizmendiarrieta: el hombre cooperativo (Gaizka Urresti), Dali, Lacroix... au-dela de l'objectif (Celine Formentin,Dorothee Fauvel), Les Transbordeuses d'oranges (David Casals-Roma), Lo profundo es el aire (Juan Barrero) filmak aurkeztuko dituzte.