«Faxismoa eta ideia erreakzionarioak gero eta indartsuagoak diren garai hauetan, obra honen aurka egindako bandalismo ekintzak ez dira anekdotikoak». Horrela gaitzetsi ditu Kaxu galeriak Lucie Francini eta Ariane Fravaloren Poils incarnés (ile enkistatuak) obraren aurkako erasoak. Emazteen eta gorputz disidenteen ileak agerian ematen zituzten argazkiz osatuta dago erakusketa. Uztailaren 15aren eta 17aren artean jadanik tarratatuak izan ziren. Oraingoan, uztailaren 25aren eta 27aren artean gertatu dira urraketak. Galeriak berak, artistek, Sutan kolektibo transfeministak, Itaiak, Ipar Euskal Herriko Planning Familialek eta PAF kolektiboak berehala salatu dituzte erasoak berriz ere.
Ikusi gehiago
Horrez gain, antolakuntza «kolektibora» deitu dute, karrikak egiturazko indarkerien borrokatzeko eremuak direla adieraziz. «Pertsona orok existitzeko aukera izan dezan eremu publikoan, inolako arau sexista edo baztertzaileei men egin beharrik gabe». Kaxu galeriak azpimarratu du argazki sortak «egiazko gorputzak, askeak eta arruntak» baizik ez zituela erakusten. Gehitu du eraso horiek agerian uzten dutela oraindik ere «feminitateak, desiragarritasunak eta kontrol patriarkalak ezarritako arauetatik at dauden gorputzen irudikapenek» bazterketa eta arbuioa eragiten dutela.
