18:00etan hetsi dituzte bozka bulegoak Ipar Euskal Herrian. Herri gehienetan lehen itzulitik erabakia geldituko da zein zerrenda gailendu den. Hamalau herritan besterik ez da bigarren itzulirik beharko, alegia, bi zerrenda baino gehiago dituztenetan. Datorren igandean izanen da bigarren itzulia.
Jadanik iristen hasiak dira herri ttipienetako emaitzak, baina denbora gehiago itxaron beharko da handiagoenen datuak jasotzeko. Zuzeneko jarraipena eginen dute gaualdi osoan Euskal Hedabideen emankizunean.
Pirinio Atlantikoetako prefeturak jakinarazi du 17:00etarako parte hartzea %54,7koa izan dela; aldiz, departamendu osokoa da datua, ez baitute zehazten Ipar Euskal Herrian zenbatekoa izan den.
