John Frieh eta Doug Shepherd bikote estatubatuarrak esperientzia handia du Alaskako mendietan eskalatzen. Ireki duten bidea da horren erakusle: Can't knock the hustle, IV, A14, zailtasunak dituena. Orain arte ez zuen inork eskalatu Mt. Burkett (2.972 m) mendiaren ipar-mendebaldeko hegala.
Urriaren 5ean iritsi ziren Mt. Burketten azpialdera, helikoptero baten laguntzaz, eta oinarrizko kanpalekua jarri zuten. Hurrengo egunean, Stikir glaziarreko zartadetatik zeharkaldi bat egin zuten mendiaren hego hegaletik ipar-mendebaldeko hegaleraino. Handik hasi zuten gailurreraino eramango zituen bide berria. Igoera azkarra eta erraza egin zuten. Ondoren, beste hegaleko Golden Gully bidetik jaitsi ziren.
Mendia
