Beste tiroketa bat izan zen atzo AEBetan, Oregon estatuan. 16 urteko nerabe bat tiroka sartu zen Bend herriko eskola batera, eta lau ikaskide eta irakasle bat hil zituen. Hildako ikasleek 5 eta 11 urte artean zituzten. 7 urteko beste ikasle bat eta irakasle bat larri eraman zituzten erietxera.
Poliziak AEBetan eguerdia zela jaso zuen abisua. Gazteak tiroz zabaldu zituen eskolako ateak, eta tiroka sartu zen eraikinera. Segurtasun indarrak heldu zirenerako, ordea, hila zen erasotzailea. Herritar batek hil zuen tiroz.
Poliziak ez du zabaldu erasotzaileari buruzko informaziorik, soilik esan dute nerabea Benden bertan bizi zela. Oregoneko gobernadore Tina Kotekek «heroikotzat» jo du erasotzailea tiroz hil duen herritarraren esku hartzea.
