Afrikako Batasunetik kanpo utzi dute Niger

NIAMEI. AB Afrikako Batasunak bertan behera utzi zuen atzo Nigerrek erakundean zuen lekua, uztailaren 26ko estatu kolpea dela eta. ABren esanetan, neurria indarrean egongo da «herrialdean ordena konstituzionala berrezarri arte». Azken urteetan, Malin, Ginean, Burkina Fason eta Sudanen ere izan dira antzeko estatu kolpeak, eta ABk Nigerrekin hartu duen erabaki bera hartu zuen herrialde haiekin.