Bangladeshek gelditu egin du milaka rohingya irla batean bakartzeko plana

DHAKA. Bangladeshko Gobernuak atzo jakinarazi zuen «oraingoz» gelditu egin duela 100.000 rohingya uharte jendegabe batean bakartzeko plana. Horren ordez, arreta jarriko du horiek Myanmarrera itzultzeko ahaleginetan, Txinaren laguntzaz: «Myanmar prest dago rohingyak hartzeko; haiek aberriratzeko lan egingo dugu». Euriteen garaian, itsasoak guztiz betetzen du gobernuak aipatu duen uhartea.